PR voton: Mediu ministër Mjedisi

Në mbledhjen e kryesë së PR-së, në të cilën ishte i pranishëm edhe Sabri Godo, u votua me unanimitet për pranimin e ofertës së kryeministrit Sali Berisha në lidhje me postin e Ministrit të Mjedisit. Kështu, sipas marrëveshjes mes dy partive të koalicionit të djathtë, kryetari i Partisë Republikane, Fatmir Mediu do të jetë Ministri i Mjedisit në kabinetin e Berishës.

Ndërkohë, Ministrja e Shëndetësisë, Anila Godo nuk ishte e pranishme në mbledhjen e kryesisë së partisë, megjithëse ishte thirrur për të marrë pjesë. Sipas nënkryetarit republikan Neritan Alibali, ky është vetëm një keqkuptim që do të zgjidhet shumë shpejt.