PS: Qeveria genjeu per inflacionin
Partia Socialiste i kerkoi qeverise "Berisha" te heqe dore nga ndikimet politike ne llogaritjen e statistikave kombetare. Nje kerkese te tille, socialistet e bazojne ne studimin me te fundit per buxhetet familjare. Nensekretari per programin ne PS, Ilir Beqja, gjate nje konference per shtyp, deklaroi se "nga analiza e informacionit te paket te vene ne dispozicion nga institucionet pergjegjese, rezulton se inflacioni ne muajt e fundit eshte 25% me i larte se ai deklaruar nga qeveria". Gjithashtu, referuar po te dhenave mbi kete ceshtje, Beqja vuri ne dukje se "vetem sipas disa llogarive te thjeshta rezulton se inflacioni ne muajin qershor 2008 ishte 4.9%, ndersa ne mars 2008 ka qene gati 6%, ndryshe nga deklarimet qeveritare per nje inflacion te nivelit rreth 4%". Njekohesisht, pare ne kete kontekst, per nensekretarin socialist, keto llogaritje tregojne se sa te drejta kane qene kerkesat e perseritura te Partise Socialiste qe ne fillim te vitit per kompensimin e shtrenjtimit te jeteses per shtresat ne nevoje. "Keto llogaritje tregojne se rritjet e papara te pensioneve e pagave, qe trumbetoi Kryeministri para 1 muaji, jane vetem ruajtje e nivelit te jeteses sa nje vit me pare", vleresoi Beqja lidhur me kete ceshtje.