PS do te deshtonte ne Kushtetuese

Përveçse deklaratave politike, Partia Socialiste nuk ka asnjë argument juridik në dorë që të mund të ankimojë, e për më tepër të ketë sukses me dërgimin e votimit për anëtarin e ri të KLD-së për interpretim në Gjykatën Kushtetuese. Juristi dhe deputeti demokrat, Enkelejd Alibeaj e argumenton këtë qëndrim të tijin në tre drejtime kryesore, të cilat sipas tij nuk e lgjitimojnë aspak një ankim të opozitës në Gjykatë Kushtetuese, për më tepër kur ajo nuk ishte pjesë e votimit.

Pretendim aburd dhe aspak logjik vlerësohet nga Alibeaj edhe ai i shprehur nga deputeti socialist, Armando Subashi, sipas të cilit, mazhoranca shkeli rregulloren kur nuk hodhi në votim edhe kandidatin Ardjan Visha. Akoma më pak kuptim merr ky qëndrim i Subashit kur në një matemaktikë të tijën thotë se vërtetë Çefa u zgjodh me 71 vota, por Visha mund të kishte marrë 72, ndërkohë që prezenca e deputetëve në sallë ishte 139.

Ligji parashikon qartë edhe përgjigjen ndaj arsyetimit të radhës të socialistëve se Elvis Çefa si anëtar i KLD-së është në konflikt interesi nëse mban dhe detyrën e kreut të Agjencisë së Kthimit dhe Kompensimit të pronave. Edhe në këtë rast ligji është në favor të Çefës.

Elvis Çefa u zgjodh të enjten e 12 prillit anëtër i Këshllit të Lartë të Drejtësisë. Ai propozua nga mazhoranca pas largimit të Kreshnik Spahiut, i cili përmes një komisioni hetimor që e detyroi atë të dorëhiqej, konfirmoi shpërdorimin e detyrës, duke iu përkushtuar aktivitetit politik.