PS kryeson në Qarkun e Tiranës, Manastirliu: Besimin e qytetarëve do ta kthejmë në punë

Teksa numërimi në Qarkun e Tiranës po shkon drejt fundit dhe Partia Socialiste kryeson dukshëm, drejtuesja e PS-së për Qarkun Tiranë, Ogerta Manastirliu, tha se edhe njëherë konfirmohet mbështetja e Tiranës për Edi Ramën dhe partinë e tij.

Manastirliu theksoi se besimi i qytetarëve do të përkthehet në më shumë punë.

Tashmë priten edhe kutitë e fundit në Tiranë, ku PS kryeson bindshëm. Edhe njëherë rikonfirmohet besimi i qytetarëve të Tiranës tek Edi Rama dhe tek Partia Socialiste, për të vijuar progresin në reformat e pakthyeshme dhe për projektin ambicioz të integrimit në Bashkimin Europian.

Faleminderit të gjithë qytetarëve! Ky është një besim i madh, të cilin ne do ta kthejmë në më shumë punë dhe më shumë përpjekje të përbashkëta për të ardhmen e fëmijëve tanë. Kjo është një fitore e qytetarëve të Tiranës dhe e gjithë shqiptarëve.

/rtsh.al/