PS, kusht per ligjin e legalizimeve

Partia Socialiste ve kushte per ndryshimet ne ligjin per legalizimin e zonave informale. Deputeti socialist, Ndricim Hysa, anetar ne Komisionin parlamentar per Veprimtarine Prodhuese, ku po debatohet per ndryshimet ne ligj, tha dje per gazeten se PS do te jape voten pro ndryshimeve ne ligjin e legalizimeve, vetem nese do te bashkerendohet si duhet puna e Pushtetit Lokal me ALUIZNI-n. "Ne do te biem dakord vetem ne rast se nuk merren kompetencat e pushtetit lokal ne kete proces, per t'ia lene nje agjencie qeveritare gjithcka ne dore", tha prere Hysa. Sipas tij, vetem po te permiresohen si duhet nenet e ligjit te legalizimeve, qe saktesojne kompetencat mes pushteteve, atehere selia roze do te jape voten e saj pro ndryshimeve. Ne te kundert, ajo nuk do te pajtohet kurre qe ALUIZNI te vendose per gjithcka ne kete proces. Deputeti socialist tha se ekziston nje fare mirekuptimi e negociata mes paleve per ta ndryshuar si duhet ligjin. Hysa theksoi se, pavaresisht draftit qe ka sjelle, PD eshte e hapur per diskutime e ndryshime te tjera. "Gjithcka do te shihet ne mbledhjen e se henes ne komision. Ku eshte dhe mbledhja e fundit per te permiresuar ligjin e legalizimeve", theksoi Hysa. Prej saj, sipas tij, do te varet dhe vota e PS-se ne seance plenare. Selia blu kerkon qe pushteti vendor te kete kompetenca te plota ne procesin e legalizimit te ndertimeve pa leje. Sigurisht ne bashkepunim me ALUIZNI-n. Por, jo qe kjo e fundit te kontrolloje gjithcka. Ne seancen e se henes do te merren ne shqyrtim dhe propozimet e kerkesat e pronareve per ligjin. E kjo pritet te jete dita e fundit e debatit per ligjin e legalizimeve. Deri me sot, PD-PR kane perpiluar me konsensus nje draft per permiresimin e ligjit qe merr persiper te legalizoje te gjitha ndertimet qe jane bere pa leje. Sipas ketij projekti, mazhoranca propozon kompensim e me pas legalizim. Duke plotesuar keshtu deshiren e kerkesen e pronareve te ligjshem te tokave. PD-PR sugjerojne qe kompensimi i pronareve te nise si proces nga 1 gushti i ketij viti. Ku ne keshillin e ministrave te prezantohet lista e pare e pronareve qe duhet te kompensohen. E menjehere pas kesaj brenda tre muajve te nise kompensimi ne vlere monetare. Me keto ndryshime, deputetet socialist jane dakord, por ato kerkojne qe te nderhyhet dhe ne nenet qe flasin per kompetencat e pushtetit lokal.

Diten e hene, beteja e fundit per legalizimet

Debati i fundit per ndryshimet ne ligjin e legalizimeve do te behet ne seancen e se henes plenare, ku do te kryet edhe votimi. Ligjvenesit do te debatojne mbi ndryshimet e ligjit, qe Presidenti i Republikes e ktheu ne Kuvend per permiresime, pasi binte ndesh me parimet kushtetuese te se drejtes se prones. Ndryshimet ne ligj u votuan ne prill te ketij viti ne Kuvend me 52 vota, por nuk munden te kalojne testin ne Presidence, pasi kreu i shtetit e ktheu per ndryshime rrenjesore ne Kuvend.

Ish-pronaret: Kompensim para legalizimit

Pronaret e ligjshem te tokave depozituan dje ne Kuvend kerkesat e tyre per permiresimin e ligjit te legalizimeve. Ata kerkuan qe te sanksionohet ne ligj, qe pa u kompensuar pronaret e ligjshem, nuk mund te marrin titull pronesie te paligjshmit. Po keshtu, u kerkua qe te kene te drejten e ankimit ne gjykate, nese nuk jane te kenaqur me kompensimin si dhe te mos preken tokat turistike nga ky proces.