PS largon Koçekun nga Komiteti i Stabilizim Asocimit, zëvendësohet me Erion Malajn

TIRANË, 30 qershor/ATSH/ Partia Socialiste ka larguar deputeten e pavarur, Marjana Koçeku nga Komiteti Parlamentar i Stabilizim Asociimit BE-Shqipëri (KPSA).

Vendi i saj në këtë Komitet do të zëvendësohet nga deputeti Erion Malaj.

Në 14 qershor, Marjana Koçeku njoftoi se nuk do të jetë më pjesë e grupit parlamentar socialist, duke deklaruar se do të ushtrojë mandatin si deputete e pavarur.

Ndërkohë, kryetari i grupit parlamentar të PS-së, Taulant Balla njoftoi edhe ndryshimet në delegacionin e Asamblesë Parlamentare për Bashkëpunimin Ekonomik të Detit të Zi, ku Erjon Mile largohet si anëtar dhe zëvendësohet nga deputeti Vullnet Sinaj.

/m.m/a.f/