PS mbledh Asamblenë Kombëtare, prioritetet për sezonin e ri politik

Socialistët mbledhin sot (4 shtator) Asamblenë Kombëtare, takim ky i dyti brenda më pak se dy muajve.

Në mbledhjen pararendëse të 26 korrikut, anëtarët miratuan me dyer të mbyllura disa zëvendësime në rang ministrash dhe Sekretarin e Përgjithshëm.

Kryeministri Edi Rama ka lënë të hapur mundësinë për ndryshime të tjera në kabinetin qeveritar.

Mbledhja e sotme është parashikuar të mbahet në orën 16:30.

Përveç objektivave për sezonin e ri politik, Asambleja pritet të shpallë edhe emrat e sekretariatit të ri të partisë.

/rtsh.al/