PS serish akuza per parlamentin e ri
“Anëtarët e oborrit vjedhin. Janë harxhuar para për një konkurs të cilin Jozefina Topalli e kishte zgjidhur më parë”, ka deklaruar Balla.
Balla ka theksuar se përgjegjësit për këtë vjedhje janë pikërisht Topalli dhe Berisha, të cilët sipas tij synojnë të pasurojnë xhepat e oborrit të tyre.
“Pse mbahet e fshehtë shuma për këtë projekt? Cili është sekseri që ka ndërmjetësuar? Si mund të cohen dëmë 2 milionë euro për piramidën, për ta prishur atë më pas? Jozefina bashkë me Saliun heshtin”, është shprehur Balla.
Megjithatë, Balla ka shprehur bindjen e tij se në zgjedhjet lokale të 8 majit, qytetarët shqiptarë do t’i japin mesazhin e duhur “regjimit të kusarëve”.
“Por shqiptarët e dinë se këto shpenzime janë përdorur për të forcuar telat e oborrit. Kjo aferë është një tjetër shembull i makutërisë së patundshme, prandaj, pavarësisht heshtjes së fajtorëve, shqiptarët e kanë gati mesazhin për kusarët. Kurrë më vjedhje dhe pastaj heshtje”, ka shtuar Balla.