PZAP anulon vendimin e KQZ-së dhe urdhëron certifikimin e Listës Serbe për zgjedhje
PRISHTINË, 25 dhjetor /ATSH/ Paneli Zgjedhor për Ankesa dhe Parashtresa ka aprovuar kërkesën e Listës Serbe lidhur me moscertifikimin nga Komisioni Qendror i Zgjedhjeve për zgjedhjet e 9 shkurtit.
PZAP ka lëshuar një vendim në të cilin thuhet se KQZ urdhërohet të zbatojë vendimin e këtij institucioni.
Sipas PZAP-së, Lista Serbe ka dorëzuar dokumentacionin në përputhje me Ligjin për zgjedhjet e përgjithshme.
Kryetari i partisë më të madhe të serbëve në Kosovë, Zllatan Ellek, në prezantimin e kandidatëve për deputetë i është referuar Kosovës si “Kosova dhe Metohija”.
Kjo u bë shkak që dy anëtarë të KQZ, nga partia në pushtet – Sami Kurteshi dhe Albin Krasniqi, të kundërshtojnë certifikimin e këtij subjekti.
/KosovaPress/