Paketa prej 50 miliardë eurosh për Ukrainën, udhëheqësit e BE-së në përballje me Viktor Orban
Udhëheqësit e BE-së janë rikthyer në Bruksel për një përballje të dytë me Hungarinë, Viktor Orban, lidhur me refuzimin e tij për një paketë të re ndihme prej 50 miliardë eurosh për Ukrainën. Kryeministrit hungarez ka bllokuar fondet që nga dhjetori.
“Ne jemi vërtet në një udhëkryq,” tha një zyrtar i BE-së.
Diplomatët në Bruksel theksojnë se Ukrainës nuk do t’i mbarojë fondet për pajisje ushtarake dhe municione, pasi furnizimi bëhet përmes shteteve anëtare individuale përmes Mjetit Evropian të Paqes. Por ata janë të shqetësuar për likuiditetin në ekonominë ukrainase dhe sinjalin që mungesa e unitetit do t’i japë Putinit.
Ky fond i BE-së, i kombinuar me mbështetjen e Fondit Monetar Ndërkombëtar dhe Bankës Evropiane për Rindërtim dhe Zhvillim, ka lejuar që në të kaluarën të paguhen pagat e mësuesve, mjekëve dhe ushtarëve dhe ndërtesat të rindërtohen aty ku është e mundur.
Përpjekjet për të bindur Orbanin janë dyfishuar në 24 orët e fundit, me përfaqësuesit e 26 shteteve të tjera të BE-së që ranë dakord të fusin një paragraf kompromisi në projekt-tekstin e marrëveshjes që kërkohet në samitin për buxhetin.
Ka shqetësime që Ukrainës t’i mbarojë paratë në pranverë për të paguar nëpunësit civilë, mësuesit e mjekët.
Ka gjithashtu shqetësime në rritje midis disa vendeve anëtare se Rusia , e cila ka intensifikuar prodhimin e saj të municionit, mund të fitojë luftën kundër Ukrainës./ The Guardian
/rtsh.al/