Pakistan, 3,5 mln fëmijë në rrezik nga sëmundjet hidrike

“Deri 3,5 milionë fëmijë janë ekspozuar ndaj rrezikut të sëmundjeve vdekjeprurëse hidrike të lidhura me diarrenë, si dizanteria”, njoftoi sot Mauricio Xhuliano, zëdhënës i Zyrës së çështjeve humanitare të OKB-së (OCHA), duke përmendur edhe rreziqet për hepatit A dhe E, si dhe për tifon.

Xhuliano theksoi se Organizata Botërore e Shëndetësisë po përgatitet të ndihmojë mijëra persona në rast shfaqjeje të kolerës. “OBSH-ja po përgatitet të ndihmojë deri 140 mijë persona në raste kolere, por qeveria nuk na ka informuar për asnjë rast të konfirmuar”, shtoi ai.