Pakistani bojkoton konferencen e Bonit
Pakistani ka njoftuar se do t’i bojkotojë bisedimet mbi të ardhmen e Afganistanit, në shenjë proteste ndaj sulmit të NATO-s që vrau 24 ushtarë pakistanezë në fundjavë.
Vendimi për të bojkotuar konferencën e javës së ardhshme në Bon të Gjermanisë vjen pas një mbledhjeje të qeverisë pakistaneze, të drejtuar nga kryeministri Yousuf Raza Gilani.
Pakistani deklaron se sulmi ajror shkeli sovranitetin e tij dhe mandatin e trupave ndërkombëtare në Afganistan.
NATO dhe qeveria amerikane kanë kërkuar falje për ngjarjen, duke i cilësuar si tragjike vdekjet e ushtarëve.
Pakistani ka reaguar ndaj sulmit ajror duke bllokuar rrugët e territorit të tij që përdoren për të furnizuar trupat e NATO-s në Afganistan.
Mbledhja e së martës e kabinetit vjen pas rritjes së iritimit në radhët e opinionit publik dhe opozitës, që kërkon ashpërsimin e qëndrimit ndaj SHBA.
“Pakistani ka vendosur të mos marrë pjesë në konferencën e Bonit në shenjë proteste”, deklaroi një zyrtar i qeverisë për agjencinë e lajmeve “Reuters” pas mbledhjes së zhvilluar në Lahore.
Ushtria pakistaneze ka mohuar deklaratat se të shtënat e trupave të saj në pikën e kontrollit shkaktuan sulmet ajrore të NATO-s.
Ngjarja nodhi ditën e shtunë dhe një oficer i Aleancës pranoi përgjegjësinë e trupave ndërkombëtare në një intervistë për BBC.
Sulmi ka cënuar edhe më tej marrëdhëniet e acaruara prej kohësh mes NATO-s dhe Pakistanit, që është një aleat kyc në luftën kundër talebanëve.
Islamabadi zyrtar njoftoi të hënën vendimin për të rishikuar marrëdhëniet me SHBA, duke menduar edhe largimin e bazave amerikane nga vendi.
Njoftim pas të cilit Shtetet e Bashkuara, përmes Departamentit të Shtetit, shprehën shqetësimin e tyre për ardhmërinë e raporteve dypalëshe.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Rama kujton të rënët për çlirimin e Atdheut
Meta, kurora me lule te monumenti "Nënë Shqipëri"
Harresa e baballarëve të kombit
Gjirokastër, tjetër konfiskim droge
Egjipti hyn në ditën e dytë të votimeve
Kosovë, veriu gdhihet i qetë