Paraqitet në SPAK zv.kryeministrja Balluku

Zëvendëskryeministrja, njëherësh ministre e Infrastrukturës dhe Energjisë, Belinda Balluku është paraqitur pasditen e sotme në SPAK, e shoqëruar nga mbrojtësja e saj ligjore dhe këshilltari për mediat Florion Seriani.

Ajo nuk ka pranuar ti përgjigjet pyetjeve të gazetarëve të pranishëm ndërsa pritet dalja e saj nga Prokuroria e Posaçme për të mësuar më shumë mbi arsyet e thirrjes.

SPAK nuk ka dhënë asnjë detaj për këtë çështje, por gjatë seancës së të enjtes së kaluar, ku kreu Altin Dumani raportoi në Parlament, pranoi se zv.kryeministrja është në hetim.