Pasaportat biometrike, sot fillon aplikimi

Te gjithe qytetaret shqiptare mund te aplikojne per pasaportat biometrike, duke shenuar ne kete menyre dhe nje hap tjeter ne pajisjen me dokumentin e levizjes se lire. Ministria e Brendshme informoi dje, opinionin publik se "duke filluar nga sot (dje), date 25 Mars 2009, fillon procesi i aplikimit te qytetareve per pajisjen me pasaporta biometrike. Ky proces do te nise fillimisht ne Tirane dhe qytetaret munden te aplikojne ne qendrat perkatese, prane cdo njesie bashkiake. Procesi i aplikimit per pasaporte biometrike eshte i njejte me procesin e aplikimit per leternjoftimin elektronik, thjesht qytetaret duhet te blejne prane zyrave postare kuponin per pasaporten biometrike. Pajisja e qytetareve shqiptare me dokumentet e reja te identitetit ka nje rendesi te madhe per procesin e integrimit te vendit tone ne Bashkimin Evropian dhe ne menyre te vecante per liberalizimin e vizave. Per me teper numri i pasaportave biometrike te leshuara per qytetaret shqiptare do te jete nje argument i rendesishem per liberalizimin e vizave mes Shqiperise dhe Bashkimit Evropian. Ministria e Brendshme u ben thirrje edhe njehere te gjithe qytetareve shqiptare, t'u drejtohen zyrave te aplikimit per dokumentet e reja te identitetit, leternjoftimin elektronik dhe pasaporten biometrike".