Pavarësia e Kosovës, GJND mund të jap vendimin në nëntor

Hagë, 28 mars, NOA Gjykata Ndërkombëtare e Drejtësisë në Hagë, do të jap mendimin për shpalljen e pavarësisë së Kosovës në fund të muajit nëntor. Gazeta Politika e Beogradit citon burimeve diplomatike në Bruksel, të cilat sqarojnë se ky vendim nuk do të jepet në maj ose qershor.

Gazeta vë në pah se kjo shtyrje është e lidhur me pritjet e bashkësisë ndërkombëtare që Serbia deri atëherë ti dorëzoj Tribunalit të Hagës, të akuzuarin për krime lufte dhe gjenocid Ratko Mladiç.

Por, sekretari dhe shefi i departamentit për informim të GJND-së i ka deklaruar gazetës Politika se ende nuk dihet se kur do të japë Haga mendimin këshillëdhënës dhe se të gjitha parashikimet janë spekulime.

NOA/EL