“Përballë kemi vetëm horizontin e BE”, Rama me kandidatët për deputet në Shkodër: Kundërshtarët i kemi mbrapa! Klithin, mallkojnë dhe lehin
Kryeministri i vendit, Edi Rama ditën e sotme është ndalur në Shkodër ku ka vijuar takimet me atë që ai e quan “Skuadra e re për Shqipërinë në BE”.
Kryeministri, i shoqëruar nga drejtuesi i PS-së në qarkun e Shkodrës, Benet Beci ka prezantuar kandidatët për deputet në zgjedhjet e 11 majit.
Beci, njëherësh kryebashkiak i Shkodrës tha se kanë zgjedhur një ekip të motivuar për të punuar fort.
Ndërsa kreu i qeverisë, Edi Rama tha se është një skuadër që mbulon pritshmëritë dhe përfaqëson të gjitha kategoritë. Duke u ndalur te kundërshtarët politikë, shefi i qeverisë tha se përballë kanë vetëm horizontin e BE-së, ndëra opozita ndodhet mbrapa PS.
Kryeministri Rama: Është një skuadër që mbulon pritshmëritë dhe përfaqëson të gjitha kategoritë. U flet të gjithëve pavarësisht moshës, gjinisë, prejardhjes. Të gjithë e kanë mundësinë të gjejnë në këtë skuadër atë që kërkojnë. Ky është një avantazh i madh për ne krahasimisht me ata që kemi përballë, më saktë ata që kemi mbrapa se ne përballë kemi vetëm horizontin e BE. S’kemi kundërshtarë përballë, i kemi mbrapa prandaj dëgjojmë vazhdimisht zhurma, klithma, sharje, mallkime dhe lehje.
Kryeministri tha se duhet të bëjnë shumë për Shkodrën, pasi kryeqendra e veriut është lënë mbrapa për shumë kohë.
Kandidatët e PS në Shkodër
Lista e mbyllur
- Marjana Koceku
- Onid Bejleri
- Xhenis Cela
- Bujar Rexha
Lista e hapur
- Edona Bilali
- Enertil Canaj
- Ervin Doda
- Holta Duda
- Frrok Gjini
- Besmir Lesha
- Marjan Ndershtiqaj
- Vera Ndreca
- Kejsi Spahija
- Shkelqim Sterkaj
- Adnan Shullani
/vizionplus.tv