Perdorimi i kanabisit perben rrezik me te madh per kancerin e mushkerive sesa cigarja

HONG KONG - Perdorimi i nje cigareje me mariuhane eshte i barasvlershem me 20 cigare te zakonshme per sa i perket kancerit te mushkerive, zbuluan studiuesit ne Zelanden e Re, pasi paralajmeruan per nje "epidemi" te kancerit te mushkerive te lidhur me kanabisin. Studimet kane treguar ne te kaluaren se kanabisi mund te shkaktoje kancerin, por shume pak studime kane treguar nje lidhje te forte qe ekziston midis perdorimit te kanabisit dhe prirjes per te shfaqur kancerin e mushkerive.
Ne nje artikull te publikuar ne "European Respiratory Journal", shkencetaret deklaruan se kanabisi mund te demtonte rruget e frymemarrjes me shume se duhani, pasi tymi i tij permban nje nivel dy here me te larte te karcinogjeneve, te tilla si hidrokarbonet poliaromatike, ne krahasim me cigaret normale. Menyra e pirjes se tij rrit gjithashtu rrezikshmerine, pasi cigaret me mariuhane pihen zakonisht pa nje filter te pershtatshem dhe pothuajse deri ne fund, gje qe rrit sasine e tymit te thithur. Perdoruesit e kanabisit thithin me thelle dhe per nje kohe me te gjate, duke lehtesuar depozitimin e karcinogjeneve ne rruget e frymemarrjes.
"Perdoruesit e kanabisit kane pese here me shume karbon monoksid ne gjakun e tyre sesa piresit e duhanit", deklaroi lideri i Richard Beasley, ne Institutin e Kerkimit Mjekesor te Zelandes se Re, nepermjet nje interviste telefonike. "Ka perqendrime me te larta te karcinogjeneve ne tymin e kanabisit ... dhe ajo qe na intrigon eshte fakti se eshte bere kaq pak pune per kanabisin, ne nje kohe kur eshte bere aq shume per duhanin".
Studiuesit moren ne interviste 79 paciente me kancer te mushkerise dhe u perpoqen te identifikonin faktoret kryesore te rrezikshmerise per semundjen, te tilla si pirja e duhanit, historia e familjes dhe vendi i punes. Pacientet u moren ne pyetje lidhur me konsumimin e alkoolit dhe kanabisit. Ne kete grup me ekspozim te larte, rrezikshmeria e shfaqjes se kancerit te mushkerise u rrit 5.7 here per pacientet, te cilet pinin me shume se nje cigare me mariuhane ne dite per 10 vjet ose dy cigare me mariuhane per 5 vjet.
"Megjithese studimi yne mbulon nje grup relativisht te vogel, ai tregon qarte se konsumimi i kanabisit per te periudhe afatgjate rrit rrezikshmerine e shfaqjes se kancerit te mushkerive" shkruan Beaseley. "Perdorimi i kanabisit mund te jete pergjegjes per nje ne 20 raste me raste te diagnostikuara me kancerin e mushkerive ne Zelanden e Re", shtoi ai. "Ne te ardhmen mund te shohim nje ''epidemi'' te kancerit te mushkerive e lidhur me kete karcinogjen te ri", theksoi ai.