Përfaqësuesja shqiptare ngjitet me 5 vende në renditjen e FIFA-s

Tiranë - Përfaqësuesja e Shqipërisë përparon me pesë vende në renditjen e përgjithshme botërore të FIFA-s për muajin dhjetor, duke u renditur në vendin e 81-të me 424 pikë. Në këtë përmirësim të kombëtares së drejtuar nga Ari Han ka ndikuar mjaft barazimi ii arritur në Braga me Portugalinë. Edhe barazimi 1-1 i arritur në Baku me Azerbaixhanin është konsideruar si një sukses për kombëtaren tonë.

Renditjet më të mira për këtë vit Shqipëria i ka arritur në muajin shkurt kur është renditur në vendin e 73-të me 421 pikë. Këtë vit renditjen më të keqe Shqipëria e ka arritur në muajin shtator kur është renditur në vendin e 102-të me 352 pikë. Që nga ai muaj renditja e Shqipërisë është përmirësuar ndjeshëm. Në UEFA përfaqësuesja shqiptare renditet e 36-ta për këtë muaj.

Më poshtë do të paraqesim renditjen e Shqipërisë për çdo muaj. Në kllapa do të shënojmë pikët me të cilat ëhtë vlerësuar përfaqësuesja jonë.

Janar 80 (407)
Shkurt 73 (421)
Mars 74 (416)
Prill 76 (418)
Maj 76 (417)
Qershor 80 (375)
Korrik 100 (359)
Gusht 101 (359)
Shtator 102 (352)
Tetor 82 (416)
Nëntor 86 (410)
Dhjetor 81 (424)