Torino surprizon në Firence, Roma kalon Bolonjën

Romë - Mbrëmja e mbrëmshme për Kupën e Italisë nuk ka kaluar pa surpriza, pasi Torino e një mijë e një halleve në kampionat arriti të eleminonte Fiorentinën. Torino arriti të marrë kualifikimin duke përfituar edhe nga shpërdorimet e rasteve nga skuadra e Fiorentinës. Për “Demat” do të shënonte Bianki në minutën e 19’ të takimit. Torino do të përballet në fazën tjetër me skuadrën e Lacios e cila arriti të eleminonte Milanin.

Roma arrin të sigurojë kalimin në çerekfinale vetëm në dhjetë minutat e fundit të takimit me dy gola të Vuçiniçit. Sulmuesi do të bëntë shkrumb e hi ëndrrat e Bolonjës dhe të teknikut të saj, Sinisha Mihajloviç. Verdhekuqtë do të përballen në turin tjetër me fituesin e çiftit Inter-Xhenoa.

Më poshtë do të paraqesim ndeshjet e këtij turi. Me të zeza janë të shënuara ekipet e kualifikuara, ndërsa ndeshjet Inter-Xhenoa dhe Juventus-Katania do të zhvillohen në datat e shënuara.

Roma - Bolonja 2-0

Fiorentina - Torino 0 – 1

Ndeshje të mëparshme

Napoli -Salernitana 3 – 1

Udineze -Rexhina 0 – 0 (8-7 penallti)

Sampdoria - Empoli 2 – 1

Milan - Lacio 1 – 2

13 janar 2009

Inter – Xhenoa

14 janar 2009

Juventus - Katania