Përfundon pa deklarata takimi për Kosovën në Beograd

Në ndërtesën e Presidencës së Serbisë ka përfunduar takimi i autoriteteve të larta serbe, në të cilin është dashur të shqyrtohet projekt-platforma për Kosovën.

Sipas mediave serbe, në takim kanë marrë pjesë: presidenti i Serbisë, Tomisllav Nikolliç, kryeministri Ivica Daçiç, zëvendëskryeministri Aleksander Vuçiç, drejtori i Zyrës për Kosovën, Aleksander Vulin, nënpresidentja e qeverisë për integrime evropiane, Suzana Grubjeshiç, dhe ministri i Jashtëm, Ivan Mërkiç.

Takimi ka zgjatur rreth një orë, ndërsa të pranishmit nuk kanë dhënë deklarata për mediat.