Përkujtojmë lindjen e Lordit anglez, aq të dashur për shqiptarët

Shkrimtari anglez, romantiku dashamirës i shqiptarëve Xhorxh Gordon Bajron, kujtohet sot në ditën e tij të lindjes.

Së paku, një herë në vit ne kemi mundësinë të ndalemi te figura e tij e të sjellim në kujtesë veprën e përjetësuar “Çajld Harold” , vepër kjo e cila, mban gjallë edhe sot trashëgiminë tonë .

Populli shqiptar duhet ta kujtojë vizitën e poetit anglez në sarajet e Tepelenës më shumë se një shekull më parë dhe fjalët që Ali Pasha i tha fisnikut anglez : “ E kuptoj që jeni vërtet nga derë e madhe, prej veshëve tuaj të vegjël, prej duarve të vogla të bardha dhe prej flokëve kaçurrela.”

Vepra e Bajronit e promovoi Shqipërinë para syve të gjithë botës së qytetëruar.

Në mendjen e fisnikut anglez shqipëtarët kishin një shpirt fisnik të cilin ai e pasqyroi përmes vargjeve.

Në këngën e dytë të tij Lord Bajroni, flet vetëm për Shqipërinë dhe Greqinë .

Në marshin ushtarak të ushtarëve të Ali Pashë Tepelenës, ( “Tamburxhi ! Tamburxhi !”, që e hartoi në bazë të dy-tri këngëve të tjera luftarake shqipe) poeti përshëndet Shqipërinë.

Kur u largua, si kujtim nga Shqipëria ai mori një kostum tradicional shqiptar, me të cilin piktori Tomas Filips i ka bërë një portret.

Sot kostumi është i ekspozuar në Bowood Estates të Anglisë.

Xhorxh Gordon Bajron lindi në Londër më 22 janar të vitit 1788 në një familje aristokratësh.

Sondazh

A e mbështesni protestën siç është zhvilluar dy ditët e fundit nën emrin e studentëve?

•                                                                         Po
  

  •                                                                     Jo
    

    •                                                                 Nuk e di
      

Lexo gjithashtu

Valles që i fali jetën, Osman Taka i dha emrin