Perleshje e armatosur, terror ne Shijak

Shijak- Bresherite e armeve terrorizojne qytetin e Shijakut per nje ore me radhe. Perplasja mes dy grupeve te te rinjve dyshohet te kete qene shkaku i perleshjes se armatosur qe per fat te mire ka perfunduar pa te lenduar. Ngjarja ka ndodhur rreth ores 03:00 te mengjesit te djeshem, kur banoret jane ndjere ne panik teksa plumba te shumte fluturonin mbi shtepite dhe pallatet e tyre. Vetem nderhyrja e policise ka qetesuar situaten pas nje ore, nderkohe qe drejtori i policise se Durresit, Ilia Nasi, konfirmoi ngjarjen dhe beri me dije se jane shoqeruar disa te dyshuar. Ky incident ka ardhur vetem pak dite pas vrasjes ne fshatin Qerret te Shijakut te aktivistit te Partise Demokratike, Artan Zeka nga i dyshuari Skender Balla. Banoret u shprehen dje per gazeten "KJ" se ka qene nje terror i vertete me bresheri qe ishin te papercaktuara se nga vinin dhe qe u kujtonin vitin 1997. Gjate verifikimeve te kryera mesohet se policia ka mbledhur gezhoja te shumta armesh automatike dhe pistolete ne hyrje te qytetit te Shijakut, prane ures dhe me tej afer qendres. Kryepolici Nasi deklaroi dje per "KJ" se po hetojne rrethanat dhe motivet e ngjarjes, duke u shprehur se dyshohet se mund te jete nje perplasje banale mes te rinjve. Nderkohe qe duke pare edhe zhvillimet gjate javeve te fundit, nuk perjashtohet edhe pista e perplasjes mes militanteve te kraheve te ndryshem politike ne kuader te fushates elektorale. Mesohet se numri i te shoqeruarve ne komisariat eshte i madh dhe kandidate te ndryshem per deputete kane marre kontakte me shtabet elektorale dhe policine vendore per te sqaruar situaten. Ne dijeni per ngjarjen eshte vene edhe Ministria e Brendshme.

E. A.