Permbaruesit private me Dhome Kombetare te varfrit nuk do paguajne tarifat gjyqesore
Tirane 9 tetor 2010 NOA - Ministria e Drejtesise vazhdon perpjekjet e saj per te permiresuar sherbimet ndaj qytetareve dhe te plotesoje kuadrin e reformes ne drejtesise. Ne nje komunikim per median Ministri i Drejtesise z.Bujar Nishani beri publike sot tre prej nismave me te rendesishme qe kane nisur te realizohen gjate ketij vit.
Nje prej tyre funksionimi i sherbimit permbarimor privat ka filluar te strukturohet pas miratimit te Ligji per Sherbimin permbarimor privat .
Nishani tha sot se pas licencimit te permbaruesve gjyqesor te pare privat eshte botuar ne fletoren zyrtare urdhri i ministrit per formen e vules dhe eshte hapur rruga ligjore per funksionim e tyre.
Tashme ata jane ne procesin e konstituimit te Dhomes Kombetare te Permbaruesve i cili do te jete institucioni me i larte hierarkik i vete organizimit te tyre dhe qe do te perfaqesoje interesat e tyre ne cdo rast. Une besoj qe tashme mekanizmi eshte gati per te filluar funksionimin e tij. Jam i bindur ne risite dhe permiresimin e ndjeshem qe do te sjelle ne konkurrence dhe ne sherbimin permbarimor publik.
Te varfrit nuk do paguajne tarifat gjyqesore
Krahas hapave te ndermarra ne drejtim te permiresimit te ketij sherbimi Ministri i Drejtesise z. Nishani ben te njohura edhe hapat e para qe jane ndermarre ne drejtim te ngritjes se Komitetit shteteror te ndihmes juridike.
Qellimi i ketij institucioni eshte tju ofroje asistence ligjore falas atyre kategori vunerable te shoqerise te cilat nuk kane mundesi te perballojne nga ana financiare tarifat e procedurave gjyqesore Ministri Nishani shpjegon se ky sherbim do te jete larg burokracive dhe do te jete i arritshem per te gjitha kategorite ne nevoje te cilat do te kerkojne ndihme ligjore falas.
Do te perfitojne kryesisht te miturit te cilet mund te kene nevoje per asistence ligjore ne njohjen e legjislacionit por edhe te mbrojtjes se drejtperdrejte nga avokatet perballe gjykates per ceshtje te ndryshme por te gjithe ata individe qe jane perfshire ne skemat e asistences sociale nga shteti dhe qe e kane te pamundur per arsye ekonomike te kene nje avokat ne ceshtje te ndryshme - tha Nishani.
e.r/NOA