Permet vetevritet me armen e te atit 17-vjecarja
Sonila Mesareja
Nje 17-vjecare mesohet ti kete dhene fund jetes mengjesin e djeshem me ciften e te atit. Ngjarja ka ndodhur ne ambientet e baneses se familjes ndersa te gjithe kane qene duke u pergatitur per te shkuar ne are per te punuar. Nga deklarimet e para te familjareve mesohet se menjehere vajza eshte transportuar per ne spital dhe me pas drejt kryeqytetit ku ka humbur jeten sapo ka mberritur. Grupi hetimor ka shkuar ne vendngjarje dhe po ben hetimet e duhura per te zbardhur kete vetevrasje. Nga hetimet paraprake dyshohet per nje depresion te castit ndersa pritet perfundimi i hetimeve per te identifikuar shkakun e vertete qe shtyu adoleshenten ne aktin vetevrases.
Ngjarja
Sipas burimeve policore rreth ores 07.10 ne Sallen Operative te Komisariatit te Policise Permet ka ardhur nje telefonate se ne Spitalin e qytetit Permet eshte paraqitur nje shtetase e plagosur me arme gjahu. Menjehere ne drejtim te spitalit jane nisur specialistet e Parandalimit dhe Hetimit te Krimit si dhe Patrulla e Pergjithshme e Komisariatit te Policise Permet. Nga hetimet e para ka rezultuar se rreth ores 07.10 minuta te mengjesit te dites se djeshme eshte transportuar per ne spital nga familjaret e vet shtetasja Erotika Frati e datelindjes 1994 lindur dhe banuese ne fshatin Bual te komunes Piskove te rrethit Permet nxenese ne klasen e dhjete ne shkollen e ketij fshati. Po sipas burimeve kjo shtetase ishte veteplagosur me arme gjahu cifte qe e dispononte babai i saj. Gjendja shendetesore e kesaj shtetaseje ishte shume e rende pasi sacmat kane pershkruar kraharorin e majte ku kishin prekur edhe zemren. Per kete shkak nga ana e spitalit eshte kerkuar ndihma qe te vinte helikopteri per ta transportuar ne drejtim te Tiranes per nderhyrje me te specializuar. Pas apelit per ndihme nga Tirana shtetasja Erotika Frati eshte transportuar per ne kryeqytet por sa ka mberritur ne Spitalin Ushtarak ka humbur jeten.
Hetimi
Policia ka nisur menjehere hetimet per zbardhjen e ngjarjes. Ne drejtim te fshatit Bual u nis grupi hetimor ku nga keqyrja paraprake e vendit te ngjarjes rezultoi se kjo shtetase eshte vetevrare me puqitje me arme gjahu te babait te vet ne katin e pare te baneses ne kuzhine. Familjaret se bashku me vajzen jane bere gati per te shkuar ne fushe rreth ores 06.00 te mengjesit dhe vajza eshte futur ne katin e pare ne kuzhine dhe atje ka plagosur veten. Sipas burimeve policore deri tani nuk eshte percaktuar shkaku i sakte i vetevrasjes pasi nga deklarimet e marra familjareve dhe njerezve te aferm si dhe fqinjeve kjo shtetase ishte e rregullt ne familje e ne shkolle dhe sparaqiste probleme. Paraprakisht sipas policise dyshohet per nje depresion te castit nderkohe qe po punohet per zbardhjen e shkakut te vertete te vetevrasjes. Ne perfundim te veprimeve procedurale materialet do ti kalojne Prokurorise se Rrethit Gjyqesor Gjirokaster per veprime te metejshme.