Perplasen tre makina, disa te plagosur

Tirane - Nje aksident i trefishte ka ndodhur prane kryqezimit te Zogut te Zi ne kryeqytet, paraditen e djeshme. Nje fugon pasagjeresh i tipit "Benz Mercedes" me targa TR 892 B i linjes Tirane -Durres, eshte perplasur me nje autobus dhe nje motor. Ngjarja qe mesohet te kete ndodhur si pasoje e rruges se lagur, ka pasur disa persona te lenduar. Burimet nga policia e kryeqytetit thane se, si pasoje e aksidentit, te gjithe pasagjeret e fugonit taksi jane shoqeruar ne spital, por gjendja e tyre ka qene jashte rrezikut per jeten, sic bejne te ditura burimet spitalore. Nderkohe mesohet gjithashtu se ne gjendje kritike ndodhet drejtuesi i motorit, i cili ka pesuar demtimet me te shumta, per shkak se ka qene ne kontakt me te shumte me asfaltin. Policia rrugore ka mberritur ne vendin e ngjarjes dhe kane nisur hetimet, per kete aksident. Shkaqet e aksidentit dyshohet te jene shpejtesia e madhe dhe rruga e lagur. Nderkaq qe menjehere pas perplasjes shoferi i fugonit ka braktisur automjetin qe drejtonte, duke humbur gjurmet. Kane qene deshmitaret okulare qe kane derguar ne spital, te plagosurit.