Peugeot eksperimenton: sjell një piano fantastike (FOTO)

Tanimë nuk është çudi që kompanitë e makinave eksperimentojnë në fusha të ndryshme. Kemi dëgjuar studio dizajni të makinave që të projektojnë syze dielli, biçikleta, stilografë e skafe, por kompania Peugeot ka shkuar më larg.

Në bashkëpunim me firmën Pleyel, që është prodhuesi më i vjetër në botë i pianove, kanë sjellë një piano fantastike.

Plot një vit ka zgjatur prodhimi i kësaj piano. Dhjetëra studime janë realizuar nga dizajnerë, inxhinierë të akustikës dhe teknikë të ndryshëm, në mënyrë që tingujt të jenë sa më të mirë dhe pamja sa më spektakolare.