Pezullohet lundrimi në Durrës e Vlorë/ Vendimi për shkak të përkeqësimit të kushteve atmosferike

Durrësi është përfshirë mëngjesin e kësaj të hëne nga moti i keq.

Për shkak të erës dhe dallgëve të forta në det, autoritetet portuale pezulluan për tre ditë lundrimin për mjetet e vogla dhe ato të peshkimit.

I njëjti vendim u mor dhe për mjetet lundruese në Vlorë të cilave iu ndalua dalja në det të hapur. Ndërkohë anijet e transportit të mallrave dhe tragetet do të vazhdojnë të operojnë normalisht.