Pogradec, kërcënon me thikë gruan në prag të divorcit
Foto ilustruese
Sërish episode të dhunës në familje. Një 36-vjeçar pogradecar ka kërcënuar me jetë bashkëshorten e tij, me të cilën është duke u divorcuar. Ngjarja ka ndodhur pasdites së sotme në fshatin Udënisht, të Pogradecit.
Burimet policore pohojnë se 36-vjeçari Olsi Karoli, banor i lagjes 4, në qytetin e Pogradecit, ka kërcënuar se do të vrasë bashkëshorten e tij, 28-vjeçaren B.Karoli. Ai ka shkuar në banesën e prindërve të bashkëshortes së tij, ku ajo jetonte prej gati 2 muajsh. Fillimisht ai ëshët përpjekur ta bindë që ajo të kthehet në shtëpi, por pasi ka hasur në kundërshtimin e saj, e ka kanosur me një thikë.
Policia sqaroi duke ju referuar dëshmive të gruas së kërcënuar, se çifti Karoli është në prag të ndarjes, pasi 36-vjeçari është frekuentues i lojërave të fatit dhe shpesh herë abuzon me alkoolin. Policia ka arritur të ndërhyjë në kohë duke neutralizuar dhe arrestuar agresorin.
18 tetor 2012 (gazeta-Shqip.com)
Pogradec, kërcënon me thikë gruan në prag të divorcit burimi: Gazeta S H Q I P Gazeta Shqip