Pokeri i Barçës, Sevilla frenon, Reali në arrati

Gjithçka shumë e lehtë për Barcelonën kundër Valencias në një krizën të thellë, nuk fiton prej tetë ndeshjesh në kampionat, ndërsa Xavi kalon në vendin e katërt dhe konfirmon periudhën e mirë të skuadrës së tij. Goleada blaugrana filloi në minutën e 23-të me Aubameyang, më pas de Jong e dyfishoi në minutën e 32-të dhe Aubameyang e mbylli sërish ndeshjen në minutën e 38-të. Një çerek ore që i thyen këmbët Valencias, Soler përpiqet të hapë lojën në minutën e 53-të me golin e shënuar, por Pedri firmos pokerin në minutën e 63-të duke mbyllur gjithçka në këtë sfidë.

Sevilla, nga ana tjetër u ndal duke barazuar 1-1 në fushën e Espanyol dhe duke rrëshqitur gjashtë pikë pas liderit Real Madrid, duke e dërguar skuadrën e Ancelotit në arrati. Megjithatë, ishin andaluzianët ata që kaluan në avantazh me Mir në minutën e 36-të, por skuadra e Lopeteguit nuk e mbylli ndeshjen dhe u ndëshkua nga Darder në minutën e 50-të. Sevilla provon por në minutën e 76-të  mbeti në dhjetë, karton i dyfishtë i verdhë për Koundè dhe për këtë arsye duhet të kënaqet me një barazim.