Polici afgan vret pesë ushtarë britanikë

Lajmin e bën të ditur zëdhënësi i Ministrisë britanike të Mbrojtjes, kolonel David Wakefield, i cili sqaron se polici kishte filluar të shtënat në një pikë kontrolli të policisë ku ndodheshin edhe ushtarët britanik.

Ushtarët ishin duke jetuar dhe punuar në këtë stacion të policisë për më shumë se dy javë. Nga të dhënat e para nuk dihet ende nëse kanë qenë një apo dy policë afganë mbase në koordinim me njeri-tjetrin që kishin filluar të gjuanin me armë zjarri brenda pikës së kontrollit para se të largoheshin nga vendi i ngjarjes.