Policia amerikane parandaloi një masakër të re

Një person i armatosur rëndë, i cili e quante veten e tij "Xhokeri"(personazh dhe armiku i përbetuar i Batmanit), është arrestuar pasi kishte kërcënuar punëdhënësin e tij në shtetin amerikan të Maryland, bën të ditur policia vendase.

Neil Prescott, 28-vjeç, supozohet se ishte duke shkuar për të mbushur armët dhe t’u shtinte për vdekje të gjithëve në vendin e tij të punës.

Veshur me një fanellë ku shkruhej "Armët nuk vrasin njerëz. Unë po", ai u arrestua teksa u shkarkua nga puna.

I dyshuari në masakrën e javës së kaluar në Kolorado, në premierën e filmit Batman, gjithashtu i tha policisë se ai ishte Xhokeri.

Mark Magav, shefi i policisë i Qarkut Prince George në Maryland, u tha gazetarëve se ata ishin duke marrë seriozisht të gjitha kërcënimet e bëra, nisur edhe nga tragjedia e së premtes së kaluar.

"Edhe nëse ju do të bënit një kërcënim, ne do të merrnim masa", tha ai.

Në kontrollin që autoritetet bënë në apartamentin e Prescott u gjetën disa mijë copë municione dhe dhjetëra armë zjarri.