Policia flet zyrtarisht mbi ngjarjen e dhunshme ne mjediset e QSUT
Tirane 01 Dhjetor 2010 NOA - Goditja e mjekut ne QSUT erdhi nga tronditja per
vdekjen e babait dhe autori i dyshuar do te procedohet penalisht. Por policia
konfirmon se hetime po kryhen edhe per shkaqet e vdekjes se te ndjerit. Pohimet
i beri sonte zyrtarisht Policia e Tiranes.
Ngjarja ndodhi rreth ores 12.40 te dites se sotme. Ne Sallen Operative te Drejtorise se Policise se Qarkut Tirane eshte marre informacion se ne Repartin e Kardiokirurgjise ne Qendren Spitalore Universitare Nene Tereza ka ndodhur nje konflikt ndermjet nje pacienti dhe stafit mjekesor.
Per ne Qendren Spitalore shkuan sherbimet e Patrulles se Pergjithshme te Policise Specialiste te Parandalimit dhe te Hetimit te Krimit te Komisariatit te Policise Nr.4 Tirane.
Sherbimet e Policise konstatuan se Robert Rama 25 vjec i tronditur nga vdekja e babait te tij Vladimir Selim Rama 57 vjec ka fyer dhe goditur per shkak te detyres nje nga mjeket e Repartit te Kardiokirurgjise.
Forcat e Policise kane shoqeruar ne Komisariatin e Policise Nr.4 Tirane shtetasin Robert Rama si dhe kane marre kallezim personelit mjekesor ne lidhje me ngjarjen e ndodhur.
Po keshtu nga strukturat e Policise ne bashkepunim me Mjekesine Ligjore dhe nen drejtimin e Prokurorise po kryejne te gjitha veprimet e nevojshme proceduriale per te sqaruar rrethanat dhe per te percaktuar shkakun e vdekjes se shtetasit Vladimir Selim Rama 57 vjec i cili ka qene pacient ne Repartin e Kardiokirurgjise.
Materialet hetimore te perpiluara i kaluan Prokurorise se Rrethit Gjyqesor Tirane ne ngarkim te shtetasit Robert Rama per konsumim te vepres penale te Goditjes per shkak te detyres veper e cila parashikohet nga neni 237 te Kodit Penal.
e.r/NOA