Policia zbuloi ‘shtëpi bari’ në Shkodër! Arrestohet 16-vjeçari, një tjetër person ende në kërkim

I mituri, 16-vjeç dyshohet se ka bashkëpunuar me një 35-vjeçar, për të përshtatur një banesë në lagjen “Ndoc Mazi”, për kultivimin e kanabisit. 35-vjeçari është ende në kërkim nga policia.

Policia e Shkodrës ka arrestuar një 16-vjeçar, i cili ishte shpallur në kërkim në kuadër të operacionit të koduar “Neonët 6”.

I mituri, dyshohet se ka bashkëpunuar me një 35-vjeçar, për të përshtatur një banesë në lagjen “Ndoc Mazi”, për kultivimin e kanabisit.

35-vjeçari është ende në kërkim nga policia.

Më herët, lidhur me këtë operacion, 2 punonjës të OSHEE u proceduan penalisht për shpërdorim detyre dhe një shtetase tjetër, për moskallëzim krimi.

Njoftimi i policisë

Drejtoria Vendore e Policisë Shkodër

Vijon operacioni policor i koduar “Neonët 6”, kapet njëri nga shtetasit e shpallur në kërkim.

Specialistët për Hetimin e Krimeve të Komisariatit të Policisë Shkodër ndaluan 16-vjeçarin që ishte shpallur në kërkim, pasi dyshohet se ka bashkëpunuar me shtetasin  A. V., 35 vjeç, për përshtatjen e një banese në lagjen “Ndoc Mazi”, për kultivimin e bimëve narkotike, me pajisje që furnizoheshin me lidhje të paligjshme të energjisë elektrike. Vijon puna për kapjen e 35-vjeçarit.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.