"Porta jeshile", zbulohen kamerieret qe punonin si prostituta

Tirane- Kafe dhe me pas disa momente intime, kundrejt pageses me 2 mije leke ishte oferta e dy grave qe punonin ne nje lokal ne periferi te Tiranes. Ato jane Mihije K., 46-vjec, me arsim 8 klase dhe Sanije H., 44-vjec, te dyja banuese ne Koder Kamez. Nderkohe qe ne pranga ka rene edhe pronari i lokalit, Hamdi Doda 53-vjec, banues ne Bathore, me arsim 8 klase, i cili kishte punesuar dy grate si kameriere e banakiere dhe me pas, i shfrytezonte edhe si prostituta. Arrestimi i tyre u be i mundur ne saje te operacionit te koduar "Porta jeshile". Sipas policise, te tre te arrestuarit jane mbajtur ne vezhgim per rreth 3-muaj me radhe, me metoda specifike te hetimit. Nga hetimet e kryera ka rezultuar se dy grate, ushtronin prostitucion ne lokalin ne pronesi te Dodes, ku edhe ishin te punesuara. Sipas burimeve mesohet se grate, jo vetem qe iu sherbenin klienteve te tyre pijet e porositura, por iu ofronin atyre edhe momente intime kundrejt pageses. Pronari i lokalit, iu kishte krijuar dy grave kushtet e pershtatshme per te ushtruar prostitucionin ne pronen e tij. Policia ne momentin e arrestimit, sekuestroi ne cilesine e proves materiale shumen prej 19.200 leke, si dhe 3 celulare. Materialet hetimore ne ngarkim te te tre te arrestuarve, i kaluan per hetime te metejshme Prokurorise se Rrethit Gjyqesor Tirane per vepren penale te "ushtrimit te prostitucionit".

R.C

Hetimet

Sipas policise se kryeqytetit, dy grate ishin vene ne shenjester disa muaj me pare. Pas informacioneve te marra ne rruge operative, kane nisur hetimet me metoda specifike, kryesisht pergjime ambientale te cilat kane zgjatur rreth tre muaj.