Pranë Bulevardit shtohet një pikë tjetër turistike, Monumenti i Pavarësisë, i cili do të përjetësojë festimet e djeshme

Përurohet Monumenti i Pavarësisë te Parku “Rinia”

Sheshi “Rinia” në kryeqytet tashmë do të mbajë një prej monumenteve më domethënës për shqiptarët, Monumentin e Pavarësisë. Në këtë vepër të madhe mishërohet simboli i lirisë, i një vendi dhe populli të hapur. Monumenti është ideuar nga dy arkitektët fitues mes katër boceteve të tjera të përzgjedhura  në konkurs, Visar Obrija nga Kosova dhe Kai Kiklas nga Gjermania.
Monumenti i lirisë u përurua dje në ditën e 100 vjetorit të pavarësisë, nga kryeministri Sali Berisha dhe dy autorët e realizimit të kësaj vepre.
Monumenti është mjaft impresionues. Në të janë gdhendur emrat e 40 firmëtarëve të pavarësisë.. në këtë kështjellë të hapur, simbol të lirisë qëndron shqiponja dy krenore...
Monumenti i Pavarësisë është realizuar në Austri nga firma e famshme “Valenta” dhe ka një lartësi prej 6,4 metrash dhe gjerësi prej 5.5 metrash.
E veçanta e kësaj vepre është metali i përdorur për punim i cili është derdhur në rreze lazer për t’u lexuar edhe në mungesë të ndriçimit. Dëshira për ta vëzhguar, kurioziteti dhe bukuria e saj ka mbledhur përreth qytetarët, të cilët prisnin me padurim ta preknin nga afër dhe pse jo të bënin edhe fotografi.