Prapë terror për Berishën, një makinë i zë rrugën eskortës së tij në aksin Durrës- Tiranë

Nuk kanë të sosur incidentet me kryeministrin Sali Berisha këtë periudhë.

Pak ditë pasi një makinë, e drejtuar nga djali i ish- zëvendëskryeministrit të dikurshëm të Berishës, Bashkim Kopliku, hyri në mesin e eskortës së kryeministrit, duke e terrorizuar atë për minuta të tëra, është shënuar një incident i ngjashëm.

Një makinë i ka zënë rrugën makinës së kryeministrit Sali Berisha, ndërkohë që ai po kthehej nga Durrësi në Tiranë. Policia ka raportuar se personi që ka shkaktuar incidentin është nga Prishtina dhe është futur gabimisht në krah të kundërt.