Premtimi per rruget, te djathtet akuzojne Gjiken si genjeshtar
Vlore- Keshilltaret e djathte ne bashkine e Vlores dhe anetare te kryesise se PD-se lokale kane inspektuar dje ne disa akse rrugore ne qytet per te pasqyruar premtimin e pa mbajtur te kryetarit te bashkise Shpetim Gjika, per rehabilitimin e infrastruktures. Ne deklaratat e meparshme publike, kreu i bashkise ka theksuar me shume se njehere se 30 qershori 2010 do te ishte dita e perfundimit te punimeve ne akset rrugore ne qytet, tanime qe ujesjellesi ka perfunduar, por situata eshte ndryshe. Anetaret e Keshillit Bashkiak, u shprehen se ndertimi i rrugeve nuk ka perfunduar. Ata jane ndalur ne aksin qe lidh lagjen “10 Korriku” me rrugen “Skele-Uje i ftohte”, pak metra nga shkolla e marines, ku Laureta Bejkosala e Roland Tafili, keshilltare te PD-se, kane theksuar se kryetari i bashkise vijon te genjeje vlonjatet me demagogji, dhe sot ne daten 1 korrik, Vlora prezantohet e zhytur ne gropa, pluhur e balte, ne zona ku turizmi eshte nje nga pikat kryesore. “Data 30 qershor kaloi dhe rruget ne qytet vijojne te jene ne mase te madhe te pakalueshme”, u shprehen ata. Pas kesaj, keshilltaret e djathte u ndalen ne rrugen tek “Plazhi i vjeter”, ku vetem pak muaj me pare protestuan banoret per mungese te infrastruktures. Saimir Haxhiu, anetar ne keshill dhe njekohesisht kryetar i Partise Republikane ne Vlore, vuri ne dukje se Gjika nuk po i kushton vemendjen e duhur zonave qe jane prane detit dhe kane nje frekuentim te gjere. Edhe Kasem Mahmutaj, anetar i kryesise ne PD-ne lokale, ka theksuar se Gjika dhe bashkia e tij punojne vetem mediatikisht, nderkohe qe brenda ne qytet situata eshte mjaft e veshtire nga mungesa e infrastruktures. Reagimi ka ardhur nga nenkryetari i bashkise Edmond Leka, i cili per vonesat ne perfundimin e projekteve dhe rrugeve fajesoi qeverine. “Per dy rruget ne fjale jane shtyre afatet pikerisht prej qeverise shqiptare”, theksoi Leka.
O. Hila
Situata
Aktualisht ne akset kryesore te qytetit jane bere rehabilitime te disa rrugeve, nderkohe qe rruga ne hyrje, rruga dalese ne “Ujin e ftohte”, prane spitalit psikiatrik, rruga e “Plazhit te vjeter”, e shume akse dytesore dhe blloqe banimi, te premtuara per t’u perfunduar ne 30 qershor te 2010, nuk kane perfunduar ende, madje shume te tjera ende s’kane filluar.