Presidenti Begaj nis vizitën dy-ditore në Kosovë, takimet që do zhvillojë me krerët e lartë të shtetit
Presidenti Bajram Begaj nis sot (15 gusht) vizitën zyrtare dy-ditore në Kosovë me ftesë të homologes së Kosovës Vjosa Osmani. Në orën 10:00 Presidenti Begaj do të pritet në një ceremoni nga Vjosa Osmani dhe më pas do të mbajnë një takim “tetë a tetë”.
Pas nderimeve që do të kryejnë para memorialit për Personat e Zhdukur, dy presidentët do të mbajnë një deklaratë të përbashkët para mediave.
Në orën 12:15 Presidenti Begaj do të takohet me Kryetarin e Parlamentit Glauk Konjufca dhe në orën 13:00 do të zhvillojë një takim “tetë a tetë” me Kryeministrin Albin Kurti.
Gjithashtu gjatë vizitës, Begaj do të zhvillojë homazhe tek varri i Presidentit Rugova dhe tek varrezat e familjes Jashari duke e përmbyllur ditën e parë të vizitës 2-ditore me një vizitë në shtëpinë muze të familjes Jashari.
Axhenda e kreut të shtetit:
E hënë, 15 gusht 2022
10:00-10:10 Ceremonia pritëse nga Sh. S. Dr. Vjosa Osmani – Sadriu, Presidente e Republikës së Kosovës.
10:10-10:15 Fotografimi i dy Presidentëve (para hyrjes kryesore të ndërtesës së presidencës).Nënshkrimi në librin e miqësisë nga Presidenti i Shqipërisë.
10:15-10:30 Takimi Tête-à-tête mes: Sh. S. Dr. Vjosa Osmani, Presidente e Republikës së Kosovës dhe Sh. T. Z. Bajram Begaj, President i Republikës së Shqipërisë.
10:30-11:30 Takim me Presidenten e Republikës së Kosovës, Sh. S. Dr. Vjosa Osmani -Sadriu dhe delegacionin.
11:45 Nderime para memorialit për Personat e Zhdukur.
11:50-12:10 Deklaratë e përbashkët e dy Presidentëve.
12:15-12:55 Takim me Kryetarin e Parlamentit të Republikës së Kosovës, Sh. T. Z. Glauk Konjufca.
13:00-13:10 Takimi Tête-à-tête mes: Sh.T. Z. Bajram Begaj, President i Republikës së Shqipërisë mr Sh.T. Z. Albin Kurti, Kryeministër i Republikës së Kosovës.
13:00-13:45 Takim me Kryeministrin e Republikës së Kosovës, Sh. T. Z. Albin Kurti dhe delegacionin.
15:45 Homazhe tek varri i Presidentit Rugova dhe vendosje e Kurorës.
16:35 – 17:00 Homazhe tek varrezat e Familjes Jashari dhe vendosje e Kurorës.
Vizitë në shtëpinë muze të Familjes Jashari.
/rtsh.al/