Presidenti Topi dekreton emërimin e Zëvendës Shefit të Shtabit të Përgjithshëm të Forcave të Armatosura të Republikës së Shqipërisë, Gjeneral Brigade Zyber Dushku.

DEKRET
PËR
EMËRIMIN E ZËVENDËS SHEFIT TË SHTABIT TË PËRGJITHSHËM TË FORCAVE TË ARMATOSURA TË REPUBLIKËS SË SHQIPËRISË

Në mbështetje të neneve 93 dhe 169, pika 3 të Kushtetutës si dhe të nenit 7, pika 8 të ligjit nr. 8671, datë 26.10.2000 “Për Pushtetet dhe Autoritetet e Komandimit e të Drejtimit Strategjik të Forcave të Armatosura të Republikës së Shqipërisë”, i ndryshuar, me propozim të Ministrit të Mbrojtjes,

D E K R E T O J

Neni 1

Gjeneral Brigade Zyber DUSHKU, emërohet Zëvendës Shef i Shtabit të Përgjithshëm të Forcave të Armatosura të Republikës së Shqipërisë.

Neni 2

Ky dekret hyn në fuqi menjëherë.

Nr. Dekretit 5867
Tiranë, më 01.08.2008

PRESIDENTI I REPUBLIKËS
BAMIR TOPI