Presidenti i Shqiperise fajeson politikanet egoiste per situaten e trishtuar politike
Presidenti i Shqiperise Bamir Topi deklaroi ne Tirane se ai nuk do te perfshihej ne debatet per ndryshime te tjera ne Kushtetute. Zoti Topi theksoi ne nje bisede televizive se ndryshimet e shpejta kushtetuese te 3 vjeteve me pare ishin burimi i situates se trishtuar politike aktuale. per te cilen ai fajesoi politikanet egoiste dhe pa etike.
Presidenti i Shqiperise Bamir Topi deklaroi se fundi se situata politike mbetet e trishtuar per shkak te egoizmit te politikaneve. Presidenti Topi tha ne nje bisede per televizionin Top Channel se opinioni qytetar eshte mjaft i zhgenjyer nga politikanet pa etike prej te cileve degjon vetem sharje. Zoti Topi tha se kishte vendosur te fliste tani hapur pas disa vjet perpjekjesh me durim qe te ndikonte ne zbutjen e tensioneve mes partive poltike duke synuar rolin e nje moderuesi ne dobi te qytetareve. Kam reflektuar nga verejtjet e analisteve dhe qytetareve se presidenti duhet te flase me drejtperdrejt. Jam treguar racional dhe kam folur per shqetesimet e qytetareve brenda kontureve dhe detyres se Presidentit te Republikes - tha zoti Topi.
Presidenti Topi tha se politikanet duhet te punojne ne te mire te qytetareve qe i kane zgjedhur sepse nuk jane neper institucione vetem per vete. Zoti Topi theksoi se situata e tensionuar ka ardhur nga ndryshimet kushtetuese te vitit 2008 dhe nga menyra se si ato u bene brenda nje nate nga dy partite e medha. Nese do te kete ndryshime te tjera ne Kushtetute presidenti Topi tha se nuk do te marre pjese ne debate sepse kjo eshte teme eksluzive e partive politike meqenese ato nuk e pelqejne referendumin si nje rrugezgjidhje.
Presidenti Topi tha per televizonin Top Channel se mbeshteste idene qe presidenti te zgjidhet drejtperdrejt nga populli dhe se ky model eshte me i miri dhe demokratiku. Ai tha se disa politikane kane punuar dhe propozuar per zbehjen e rolit te presidentit i cili ne fakt ka nje pozicion thelbesor ne kushtetute dhe ne funksionimin e shtetit demokratik shqiptar.