Presidentja lituaneze pritet të vizitojë Timoshenkon

Zyra e presidentes lituaneze Dalia Gribauskaite tha se ajo do të përpiqet që të vizitojë ish-kryeministren ukrainase Julia Timoshenko, e cila aktualisht gjendet në një spital në qytetin ukrainas të Karkivit. Sipas njoftimit vizita do të realizohet të premten.

Timoshenko, e cila dënuar me shtatë vite burg për shpërdorim të detyrës, u zhvendos të mërkurën nga burgu në spital, për trajtimin e dhimbjeve të shpinës.

Nëse Gribauskaite lejohet ta vizitojë Timoshenkon, do të bëhet udhëheqësja e parë e huaj që e viziton atë, që kur u dërgua në burg në tetor të 2011-ës.

Mbështetësit e Timoshenkos thonë se akuzat kundër saj janë përndjekje e motivuar politikisht nga qeveria e rivalit të saj, presidentit Viktor Janukoviç.

Ndërkaq Gribauskaite planifikon të takojë edhe Janukoviç.