Privatizimi i kompanive, Pano: Pritet miratimi nga qeveria

Alpetroli, pjesët e mbetura të OSSH-së, aksionet e mbetura te Insigut si dhe aksionet e mbetura të ARMOS, presin dritën jeshile të qeverisë për t'u privatizuar. Këtë fakt e bëri të ditur, Vasil Pano kreu i drejtorisë së privitizimeve. Masa që do të privatizohet është afërsisht mbi 70 përqind të aksioneve.
Gjithashtu Pano theksoi se kur kompanitë privatizohen në masën 100 përqind të aksioneve atëherë shteti nuk ka të drejtë të marr pjesë në vendime të ndryshme por sipas tij shteti luan një rol mbikqyrës në bazë të institucioneve apo enteve të ndryshme.
Ndërkohë Pano theksoi se që një kompani të privatizohet më parë miratohet një ligj në parlament ku dhe vendoset për përqindjen e aksioneve që do të nxirren në treg. Gjithashtu Pano theksoi se kur kompanitë nuk kanë ndikim në treg ato privatizohen duke kaluar në procedura më të thjeshta.