Programi Kombëtar i Strehimit, Ministria e Ekonomisë: 1,253 familje përfituese, zbatimi i projektit nis në korrik-gusht

Si asnjëherë më parë, 1,253 familje në 35 bashki përfitojnë nga Programi Kombëtar i Strehimit Social. Ministria e Ekonomisë, Kulturës dhe Inovacionit bërë me dije se ky program ka një vlerë financimi prej 1 miliardë lekë nga buxheti i shtetit dhe ka si qëllim të adresojë nevojat për përmirësimin e kushteve të banimit, infrastrukturën rurale dhe aksesin më të mirë në shërbime jetike për qytetarët.

Zbatimi i këtij projekti nis në muajt korrik-gusht dhe do të zgjasë për një periudhë 2-vjeçare.

Kujtojmë se në dhjetor të vitit që lamë pas, Ministria e Ekonomisë hapi thirrjen për të gjitha bashkitë në rang vendi, për aplikim dhe mbështetje financiare nga buxheti i shtetit për projektet e strehimit për vitin 2025, referuar kërkesave të përcaktuara në Termat e Referencës të miratuara për vitin 2025.

“Nëpërmjet këtyre projekteve adresohen nevojat e 1253 familjeve gjithsej. Këto projekte do të zbatohen nga bashkitë dhe do të financohen në dy vite buxhetore, përkatësisht në vitet 2025 dhe 2026”, thuhet në njoftimin e ministrisë.

Bashkitë përfituese

Ky program përfshin projekte të ndryshme për përmirësimin e banesave ekzistuese dhe për rikonstruksionin e infrastrukturës në disa nga bashkitë më të varfra të Shqipërisë, duke përfshirë:

Bashkia Maliq 39 familje;

Bashkia Delvinë 12 familje;

Bashkia Pustec 14 familje;

Bashkia Përmet 22 familje;

Bashkia Tiranë 4 familje;

Bashkia Fushë-Arrëz 8 familje;

Bashkia Kamëz 42 familje;

Bashkia Patos 20 familje;

Bashkia Devoll 104 familje;

Bashkia Cërrik 17 familje;

Bashkia Korçë 30 familje;

Bashkia Durrës 14 familje;

Bashkia Kucovë 40 familje;

Bashkia Shkodër 157 familje;

Bashkia Vau i Dejës 102 familje;

Bashkia Gjirokastër 98 familje;

Bashkia Kolonjë 14 familje;

Bashkia Mat 53 familje;

Bashkia Roskovec 16 familje;

Bashkia Gramsh 37 familje;

Bashkia Sarandë 4 familje;

Bashkia Tropojë 11 familje;

Bashkia Berat 43 familje;

Bashkia Divjakë 6 familje;

Bashkia Librazhd 59 familje;

Bashkia Prrenjas 36 familje;

Bashkia Dimal 23 familje;

Bashkia Tepelenë 21 familje;

Bashkia Selenicë 58 familje;

Bashkia Memaliaj 52 familje;

Bashkia Dibër 29 familje;

Bashkia Klos 32 familje;

Bashkia Peqin 5 familje;

Bashkia Vlorë 23 familje;

Bashkia Himarë 8 familje.

/rtsh.al/