Prokurori i Përgjithshëm, Garland: Departamenti i Drejtësisë po ndihmon Ukrainën në hetimin e krimeve të luftës

Departamenti i Drejtësisë i SHBA-së po bashkëpunon me Gjykatën Penale Ndërkombëtare dhe po mbështet prokurorët ukrainas që kryejnë hetime për krime  lufte, tha të hënën Prokurori i Përgjithshëm, Merrick Garland, teksa riafirmoi ndihmën e departamentit të tij më shumë se një vit pas pushtimit rust ë Ukrainës.

Kongresi kohët e fundit lejoi një fleksibilitet të ri të SHBA-së për të ndihmuar gjykatën me hetimet ndaj shtetasve të huaj që lidhen me Ukrainën.

“Departamenti i Drejtësisë do të jetë një pjesë kyçe e bashkëpunimit të Shteteve të Bashkuara”,- tha Garland.

“Ne nuk presim që armiqësitë të përfundojnë përpara se të ndjekim drejtësinë dhe përgjegjësinë. Ne jemi duke punuar ngushtë me partnerët tanë ndërkombëtarë për të mbledhur prova dhe për të ndërtuar çështje, në mënyrë që të jemi gati kur të vijë koha për t’i mbajtur përgjegjës autorët, “- tha ai në një fjalim para Shoqatës së Avokatëve Amerikanë në Denver.

Ai emëroi një prokuror për të shërbyer në një qendër të hapur muajin e kaluar në Hagë për të mbështetur kombet që të ndërtojnë çështje kundër liderëve të lartë rusë për agresionin. 

Qendra Ndërkombëtare për Ndjekjen e Krimit të Agresionit nuk do të lëshojë aktakuza apo urdhër-arreste për të dyshuarit, por në vend të kësaj do të mbështesë hetimet që janë duke u zhvilluar tashmë në Ukrainë, Estoni, Letoni, Lituani dhe Poloni.

ICC nuk ka juridiksion për të ndjekur penalisht agresionin në Ukrainë, sepse Rusia dhe Ukraina nuk e kanë ratifikuar Statutin e Romës që themeloi gjykatën, megjithëse prokurori i përgjithshëm i Ukrainës ka thënë se ata po planifikojnë që t’i bashkohen.

Shtetet e Bashkuara gjithashtu nuk janë një shtet anëtar i ICC. Që kur Traktati i Romës, i cili themeloi gjykatën, hyri në fuqi, administratat e njëpasnjëshme amerikane që gjatë presidencës së Bill Klintonit, kanë marrë një qasje kryesisht të largët ndaj GJNP-së për shkak të shqetësimeve se ajo mund të hapë hetime dhe të ndjekë penalisht ushtarë ose zyrtarë të lartë amerikanë.

Edhe pse nuk është anëtare e gjykatës, SHBA-ja ka bashkëpunuar me ICC në të kaluarën për çështjet e krimeve të luftës, veçanërisht gjatë administratës së Obamës kur Uashingtoni kontribuoi me prova në hetimin e mizorive që supozohet se janë kryer nga Ushtria e Rezistencës së Zotit në Ugandë, shtetet në Afrikën Lindore.

Megjithatë, antipatia amerikane ndaj gjykatës arriti lartësi të reja gjatë administratës Trump kur ajo vendosi sanksione ndaj ish-kryeprokurorit të GJPN-së dhe disa ndihmësve për ndjekjen e hetimeve për krimet e dyshuara të luftës të kryera nga trupat amerikane në Afganistan dhe Irak dhe pjesëtarët e shërbimit izraelit në Bregun Perëndimor dhe Gaza.

Administrata Biden i anuloi këto sanksione menjëherë pas marrjes së detyrës dhe vendimi i saj për të ndihmuar në mënyrë aktive gjykatën me hetimet e Ukrainës shënon një tjetër hap drejt bashkëpunimit me ICC.

Departamenti i Drejtësisë po i jep një gamë të gjerë ndihme Ukrainës, nga trajnimi për ndjekjen penale të krimeve mjedisore për të ndihmuar në zhvillimin e një sistemi të sigurt elektronik të menaxhimit të rasteve për më shumë se 90,000 krime të dyshuara dhe mizori. 

Garland gjithashtu mbrojti pasuritë e sekuestruara prej 500 milionë dollarësh dhe mbi tre duzina aktakuza që departamenti ka ngritur për të zbatuar sanksionet. Apnews

/rtsh.al/