Protesta e 29-të në Tiranë, marshimi nis nga Sheshi “Skënderbej” dhe zhvendoset përpara Kryeministrisë

Protestuesit kanë vijuar edhe sot tubimet e tyre në kryeqytet, duke shënuar ditën e 29-të radhazi të manifestimeve në rrugë. Grumbullimi i pjesëmarrësve ka nisur fillimisht në Sheshin “Skënderbej”, prej ku nisi një marshim përgjatë Bulevardit “Dëshmorët e Kombit”, për t’u pozicionuar më pas përpara godinës së Kryeministrisë.

Përpara selisë së qeverisë, aktivistë dhe qytetarë morën fjalën për të artikuluar kërkesat e tyre drejtuar ekzekutivit. Diskutimet dhe qëndrimet e mbajtura gjatë këtij tubimi u përqendruan në një kritikë të ndaj klasës politike aktuale dhe vendimmarrjeve të fundit në sferën e ekonomisë dhe mjedisit.

Në fokus të kërkesave specifike të protestuesve mbetet anulimi i menjëhershëm i disa nismave ligjore të ndërmarra nga qeveria. Ndër to, u veçuan: Anulimi i “Paketës së Maleve” që sipas organizatorëve cenon zonat malore; shfuqizimi i legjislacionit për investimet strategjike – të cilin protestuesit e cilësojnë si një kuadër ligjor të dëmshëm që favorizon përvetësimin e pasurive publike dhe zonave të mbrojtura.

/rtsh.al/