Protestë në Kodër Kamëz, banorët kërkojnë ujë dhe rrugë

Mungesa e ujit dhe problemet e rrugës kanë ngritur në protesta banorët e lagjes Kodër Kamëz të njësisë nr 11 Tiranë. Më shumë se 600 shtëpi vuajnë mungesën e ujit dhe prej 20 vitesh sipas banorëve nuk është marrë asnjë masë për këtë problem.
 

Problem madhor sipas banorëve mbetet rruga e prishur ku shpesh shpërthimi i pusetave ndot zonën përreth. Kufiri që ndan zonën Kodër Kamzën nga Paskuqani është kanali 3 kilometra i ujrave të zeza i cili sipas banorëve kthehet në një makth të vërtetë.
 

Banorët shprehën se i janë drejtuar institucioneve përgjegjëse dhe kanë marrë përgjigjen që fondi ka ardhur por sipas banorëve nuk dihet ku ka shkuar ky fond pasi në këtë lagje nuk është vënë dorë.