Protestohet qetë para Kuvendit
(E plotësuar) Një grup qytetarësh kanë protestuar sot para Kuvendit të Kosovës kundër ligjit për amnisti që pritet të dal sot në shqyrtim nga deputetët.
Përfaqësuesit e shoqërisë civile i kanë bërë thirrje kuvendit të Kosovës që ta heqin prej rendit të ditës komplet ligjin pasi që më të do të shpëtohen serbët dhe shqiptarët që kanë bërë krime./Indeksonline/
----------
Me thirrjet “Duam drejtësi, jo amnisti”, aktivistë të Lëvizjes Vetëvendosje, kanë filluar protesten para Kuvendit të Kosovës, kundër miratimit të Projketligjit për aministinë, i cili pritet të miratohet sot.
Nenkryetari i kësaj lëvizeje, Shpend Ahmeti, ka thënë se pasojat e gjithë kësaj i ka sjellur pikërisht ratifikimi i marrëveshjes Kosovë- Serbi.
Sipas tij, tash e 14 vite, disa njerëz kanë kryer krime nga më të ndryshmet, dhe se me ligjin për amnisti, ata po barazohen me qytetarë të ndershëm.
“Sot ne po i shohim pasojat e marrëveshjes që u ratifikua në Kuvend, tash po vjen edhe ligji për amnisti, që i legjitimon dy grupe. Po legjitimohen të gjitha strukturat kriminale që kanë vepruar qe 14 vite në veri të Mitrovicës, e që kanë bërë krime nga më të ndryshmet. Pastaj legjitimohet edhe grupi i dytë i uzurpatorëve të pronës së paluajtshme, i sulmuesve ndaj zyrtarëve në detyrë, etj. Qe 14 vite njerëzit që kanë bërë krime nga më të ndryshmet, tash po barazohen me qytetarët e ndershëm”, ka thënë Ahmeti.
Ahmeti, u ka bërë thirrje të gjithë atyre deputetëve, që të mos e miratojnë ligjin për amnisti, duke thënë se shpresojnë se ka deputetë që kanë ndërgjegje dhe do të mundësojnë që të mos bëhen 80 vota për kalimin e ligjit.
“U bëjmë thirrje deputetëve që nuk janë kriminal, që ne shpresojmë se ende ka deputetë të tillë, që të mos e votojnë pro. Shpresojmë që ata që janë të ndershëm, të mos e votojnë asesi këtë ligjt”, ka shtuar Ahmeti.
Nga ana e tij, Ahmeti ka informuar se kësaj radhe deputetët e Vetëvendosjes, nuk do të zhvillojnë asnjë aksion në Kuvendin e Kosovës.
Ndryshe, aktivistët, kanë vendosur shkrime të gazetave dhe fotografi të ngjarjeve që kanë ndodhur gjatë këtyre viteve në veri të Mitrovicë, ku shkruan "Amnistohen"./Indeksonline/