Pushon debora, ngrijne rruget

I ftohti polar qe ka mberthyer Shqiperine gjate diteve te fundit, duket se do te vazhdoje dhe vere ne rrezik te gjithe udhetaret, per shkak te ngrices dhe akullnajes qe krijohet ne rruget kombetare. Edhe pergjate dites se djeshme ne zonat ku ka rene debore, ka pasur temperatura nen 0 grade Celsius dhe akset kane qene teresisht te ngrira. Me problematike situata eshte paraqitur ne zonen e Vlores, Korces, Dibres dhe Pukes. Nuk ka pasur reshje te debores apo te shiut, por ngrirje te rrugeve dhe renie te temperatures deri ne -6 grade Celsius.
Shkoder
Situata ne rrethin e Shkodres eshte normalizuar. Gjate dites se djeshme nuk ka pasur reshje, por gjenden nen uje edhe 1.400 ha toke nga permbytja e fundit, 32 shtepi te rrethuara dhe 3 shtepi me prezence uji. Ministria e Brendshme dhe pushtetit lokal njoftoi nepermjet Shtabit te Emergjences, se ne Shkoder mbetet i bllokuar aksi qe lidh qytetin me Dukagjinin, nga Qafa e Thores, por mund te kalohet nga mali i Shoshit. Edhe rrethi i Pukes ka qene pa reshje debore, por me temperatura te uleta, gje qe ka veshtiresuar qarkullimin e automjeteve ne disa segmente e pika te caktuara. Akset rrugore Fushe Arrez-Qafe Mali, Qafe Mali-Fierze dhe Qafe Mali-Kukes, jane te kalueshem me zinxhire.
E bllokuar mbetet komuna Iballe, ne te cilen po punohet per hapjen e rruges.
Lezhe
Gjate dites se djeshme nuk ka pasur reshje ne Lezhe, kurse rruget kombetare dhe rurale ne shkalle qarku, jane te kalueshme plotesisht. Policia e Qarkullimit Rrugor ka qene vazhdimisht ne kontroll te automjeteve, kurse hidrovoret punojne me kapacitet te plote. Prej dy ditesh jane te bllokuara rruget per ne komunen Fan dhe Orosh.
Kukes
Ne Qarkun e Kukesit njoftohet se nuk ka pasur reshje, por temperaturat kane qene te uleta deri ne -6 grade Celsius. Per shkak te ngricave, ka pasur veshtiresi ne kalimin e automjeteve ne akset rrugore, te cilat jane te kalueshme nga automjetet, por nevojitet perdorimi i zinxhireve ne segmente te vecanta. Mbeten te bllokuara komunat Arren, Gryke Caje dhe Zapod.
Diber
Edhe ne Diber temperaturat kane qene te uleta, duke krijuar shtresa akulli ne rruge dhe ne shume vende nevojitet perdorimi i zinxhireve. E bllokuar mbetet vetem rruga qe lidh Peshkopine me Luren, por me shume veshtiresi dhe me zinxhire kalohet nga aksi Lure-Kurbnesh. Ne aksin Lure-Peshkopi po punohet nga te dy krahet, per zhbllokimin e saj. Dje eshte hapur dhe rruga qe lidh Peshkopine me Kalane e Dodes.
Korce
Ne kete qark nevojitet perdorimi i zinxhireve ne mjete pergjate aksit rrugor Qafe Thane-Qafe Plloce dhe ne Qafen e Qarrit. Drejtoria Rajonale e Rrugeve dhe Policia e Qarkullimit Rrugor, jane angazhuar per pastrimin e debores dhe lehtesimin e qarkullimit te automjeteve. Me veshtiresi dhe me zinxhire qarkullohet ne akset rrugore Korce-Voskopoje dhe Korce-Dardhe.
Vlore
Ne oret e para te mengjesit te dites se djeshme, ka pasur reshje debore ne Qafen e Llogarase. Me pas eshte shoqeruar me temperatura te uleta dhe ngrica, duke veshtiresuar qarkullimin e automjeteve. Policia Rrugore ka patrulluar kete aks, duke detyruar shoferet te perdorin zinxhiret.