QKK në konferencën 'Balkans Memory'
Drejtori i Qendrës Kinematografike të Kosovës Fatos Berisha do të marrë pjesë në
konferencën ndërkombëtare të titulluar 'Balkans Memory' që mbahet në Zagreb të
Kroacisë me 1 qershor.
Në organizim të institucionit francez INA, ky seminar trajton
temën e promovimit dhe ruajtjes së trashëgimisë audiovizuele në Ballkan, me
objektive të implementimit të hapave të parë të politikave të prezervimit dhe
promovimit të trashëgimisë, si dhe ngritjen e vetëdijes të vendimmarrësit e
Ballkanit Perëndimor për nevojën e investimit në ruajtje, digjitalizim dhe menaxhim
të trashëgimisë audiovizuele.
Ky seminar është organizuar nga Ina Expert, ne bashkëpunim me Qendrën e filmit të
Kroacisë, Arkivin Shqiptar të filmit dhe COPEAM, ndërsa si projekt është
bashkëfinancuar nga Komisioni Evropian.