QSUT riorganizon Urgjencën Polivalente për përmirësim shërbimi
Urgjenca Polivalente në QSUT po riorganizohet sipas një modeli të ri menaxhimi, që synon të përmirësojë koordinimin dhe shërbimin ndaj pacientëve. Vetëm nga janari deri në shtator të këtij viti, aty janë trajtuar rreth 91 mijë pacientë. Ministrja e Shëndetësisë, Klodiana Spahiu, kërkoi forcimin e triazhimit dhe shmangien e mbingarkesës me raste që mund të trajtohen nga mjeku i familjes.
Urgjenca Polivalente në Qendrën Spitalore Universitare “Nënë Tereza” po kalon në një model të ri organizimi dhe menaxhimi, me synimin për të përmirësuar koordinimin mes ekipeve dhe për të shkurtuar kohën e përgjigjes ndaj pacientëve.
Vetëm në nëntë muajt e parë të vitit 2026, nga janari deri në shtator, në këtë urgjencë kanë marrë shërbim rreth 91 mijë pacientë.